خاص (( الحدث الجنوبية )) الشاعر : عبدالله فرج
خرج سلمي وعاري الصدر في يده علم
وبالرصاص الحارق قمتوا قتلتونه
لان الحريه اشجارها ترؤى بدم
وللاسف هذا الخبر ماقد فهمتونه
وشوف القتل هذا لجل اكمال الهرم
هرم نهايتكم مؤكد لابنيتونه
وفي الساحات بالثبت وبالنصب خيم
نظالنا سلمي وهذا لاتريدونه
وبالتصعيد حتماًً كلنا بالعتصم
في ساحة الميدان وانتوا تلعبوا كونه
وفي سد المنافذ شعبنا فعلاً عزم
قدها تجارب كل منفذ بايسدونه
يبيعوا النفط والاسماك في قم واستقم
عبر المراكب في دول جاره يبيعونه
قسم بالله لانرضى ولابالنتقم
من شعبكم دي انتوا بلارحمه تهينونه
ومن بعد التامر باتحسوا بالندم
ومنكم باينتقم دي انتوا رجمتونه
قريباً باتناقش وضعنا كل الامم
وبايقولوا للجنوبي حق ردونه
وباتشهد بان الشعب هذا قد ظلم
وبايقولوا ياغجر انتم ظلمتونه
والجيران باتوقف عليها تلتزم
في دعم هذا الشعب فيما قد نهبتونه
وبانرفع علمنا عالياً فوق الققم
على قمم شمسان مانشتي علم دونه
