خاص (( الحدث الجنوبية )) عمر مكرش
قصيدة جاتني من الشاعر الدكتور
عبدالله محمد الدحيمي
ورديت عليها الليلة وكانت كتالي البدع والجواب
—————————————–
سلامي من جبل شمسـان يالفــوج احمله
تـوصـل بـلاد المـصطـفى طـه بــلا مـحــدود
وسلــم لــي على كـل الصـحـابه واجــعـله
مـوصـول مـن قـلبي تحيـه بالعــيـون السود
حـبــل الــــود مـديــتــــه ولا زلــت اوصــلـه
مـكـــان حـبـل الــــود ذي مـا بيننا مـشدود
حـفـظـنـا العهـد والـمــعـروف لا زلت احمله
ولا نســـيـتـه طـين ســاعـه بـنـقلب مـارود
طـبـيـعــه وسـط روحـي داخـلـه مـتـاصــلـه
مـبـني على المعروف ذي ما بيـنـنـا موجود
يالـخــوان جــــانـا وقـــت صـــعـب اتـحـمـله
وجـت اوادم خـــايـنـه للـعــهـد ذي معـهــود
انـا فـضـل مـع الـــرعـيــان مـوطــن واقـبـله
ولا مـع نـاقـــص مــروه والـشـرف مـجــــرود
سلامـي كـلــمــا الـنــوب المعــلـي يزجـله
تسمـــع حــنينـه بـا تمـسي ليلتك مقهــود
وياقـبــطــان فــــي وســط السفينه مـنـزله
والـبـحـــر عـالي الموج سلم يا كريم الجود
وركــاب السفـينه حـب مـدبـــش مـجـمــله
والسوس وسط الحب ياكل من طرف والدود
سكـتـنـا والسـكــوت اصـبـح علينا مشكـله
يستــاهـلــون الــبرد مـن ضيع دفى موجود
ورطـنـا فـي الـجـمـاعـه كـلـها مش عاقـله
كـم يـا فـصــايـل فـرقـتـنـا فـي عمل مردود
دعـيـتـك يـا كـريـم الجـود باللطـف اشـمـله
مـن شـر حـاســد يـنـفـثـون الـنـار والـبارود
وبـخـتــمـهـا بـذكـــــــر الله رأجـي واســأله
يـفـــــك مـن بالقــيد روحـه والـبدن مقـيـود
وصلى الله عــلى احمد كلما اقـرأ البسمله
يــــــارب تجمعنا معــه فـي حـوضه المورود
===================
جواب من الشاعر عمر مكرش
===================
حــيـــا فـــوق راســـي يــا حماحم مسبـله
حيى امدحيمي كل مانسنس نسيم امنـود
حـيى الـخــط ذي جــانـي وقـــافــة كـمــله
يرشخ كمـا طيب الشمطري هو وريح الـعود
مكــــان الــــود بــاقـــي بـيـنـنــا مـانجـهـله
حاشــا مـن الله مـانسينا الـود ذي مـوجـود
وربـي يـحـفـظـك ياحـيـد شــامـخ مـن عـله
وصــانـك الله مـن عيـون الحاسد المحـسود
لاتـشـكــي زمــانـك والـقـضــاء ذي تـجهـله
مـا يــؤتمـن ذا الــوقت شـوفة وقـتنا نـمـرود
مـولـى الجـمـل لاتـجـمـل مـعـك بـاتـقـبـله
مالفسل يبـقــى فسل لاشاجع ولا معـدود
ومــولــى البيت دك سـاس بـيــدة دحـمـله
واليـوم راح الساس والـمــدمــاك والمعـمود
ولا جــاة المــطـــر والــريـح مـن بــايـقـبــله
وهـو بـيــدة دي رضـي فـي بيتة المــهــدود
بــــايــنـــــدم وبـايـبـــكي عـــلى مـايـعمـله
لامسى طريح الفرش فوق الرمل هو والكود
هـــذا فـــــــــــصـل والـثـانـــيـه بـعــد الاوله
دي مــا يحـاسب لامعــه مكسب ولا مردود
ومــولـــى الـثــار لاحــصـــل غـريـمـة يقتله
مـابـا يـخـــلي الـثـار مـولى الدم دي مكبود
ومـهـمـى دارت الايـــام والــــحــق اهـمـله
مـكـان عــاد الحـبــل مـن بينـاتهم مـعـقــود
ومــن يطــرح شهـيـدة مـثــل مـدرم تزهـله
عــادة يـقــدم مـثــل مــدرم والبـطـل عبـود
ولاحنيت نـصـــف اللـيـل دمــعـي بـاهـمـله
لمـا مــتى يالـوقـت دايــم عيشتي منكــود
ألأ والخـتـم صـلي بــالـنـبــي دي كــمـــله
ربــي وزانـــــــه بالهـدى الواحــد المعـبــود
